ऐतिहासिक, धार्मिक एवं पर्यटकीय महत्व बोकेको दोलखा जिल्लाकै पुरातात्विक सम्पदाले भरिपूर्ण एक मात्र नगरपालिका भित्र कर्मथलो बनाई सदस्य सेवामा समर्पित यस संस्थाले २०५१÷४÷१४ गते वैधानिक मान्यता प्राप्त गर्न सफल भएको थियो ।
संस्थाले स्थापनाकालदेखि आफ्नो कार्यक्षेत्र भित्रका किसानहरुलाई कृषि समग्रीहरु सर्वसुलभ मुल्यमा उपलब्ध गराउँदै आइरहेको छ । संस्थाको मिति २०६९ फाल्गुण २९ गते सम्पन्न साधारण सभाबाट संस्थाले व्यवसायिक रुपमा कार्ययोजना बनाई अगाडि बढ्ने लक्ष्य लिए अनुरुप यस संस्थाले भीमेश्वर नगरपालिका वडा नंं २ तिखातल स्थित १० रोपनी जग्गा भाडामा लिई निलनिरी फार्मको स्थापना गरिएको छ ।
कार्यालय
भीमेश्वर नगरपालिका वडा नं २
दोलखा
कार्यक्षेत्र
भीमेश्वर नगरपालिकाको १३ वटै वडाहरु यस संस्थाको कार्यक्षेत्र रहेको छ ।
परिकल्पना ः
सहकारिताको माध्यमबाट युवाहरुलाई एकिकृत गरी उनीहरुलाई सहकारी व्यवसायमा आवद्ध गराई सहकारी मुल्य र मान्यतामा आधारित एक विशिष्ट व्यावासायिक सहकारी संस्थाको रुपमा स्थापना गर्ने ।
ध्येय
यस संस्थाले आफ्नै सदस्यहरुद्वारा सञ्चालित सहकारी वित्तिय संस्थाका माध्यमबाट सदस्यको आर्थिक तथा सामाजिक अवस्था सुधार गरी उनीहरुलाई आत्मनिर्भर वनाई व्यवसायिक वनाउने ।
उद्देश्य
(१) सदस्यहरुबाट स्वीकृत नीति अनुसार विभिन्न किसिमका कार्यक्रमहरु संचालन गर्ने ।
(२) सदस्यहरुलाई स्वीकृत नीति अनुसार विभिन्न किसिमका सेवाहरु प्रदान गर्ने ।
(३) सहकारी ऐनको दफा २३ (१) वमोजिम संस्थाको शेयर विक्री गर्ने ।
(४) सहकारी ऐन, नियमावली र विनियमको अधीनमा रही अन्य संघ—संस्थाबाट ऋण लिने ।
(५) सहकारीता वारे सदस्यहरुको चेतना जगाउने क्रियाकलाप संचालन गर्ने ।
(६) सदस्यहरुलाई सीपमूलक तालिमको अवसर प्रदानगरी व्यावसायीक सिप अभिवृद्धि गर्ने ।
(७) शिक्षा, स्वास्थ्य, आवास, यातायात, कृषि, उद्योग, ब्यापार लगायतका विभिन्न क्षेत्रमा कार्यक्रम तय गरी तत्सम्बन्धी काममा सदस्यहरुलाई व्यक्तिगत वा सामुहिक रुपमा ऋण प्रवाह गर्ने ।
८) सदस्यहरुको जीविकोपार्जन सुधारका लागि कृषि फर्मको स्थापना गरी व्यवसायिक रुपमा प्राङ्गारिक कृषि प्रविधि मार्फत गुणस्तरीय कृषि उपज उत्पादन तथा विक्रि वितरण गर्ने ।
९) पर्यावरणीय कृषि पद्धती अपनाई वातावरण सुधारमा सहयोग गर्ने ।
१०) फर्मलाई ताजा तरकारी सुपथ विक्री केन्द्र र उन्नत विउ उत्पादन केन्द्रको रुपमा विकास गर्ने ।
११) कृषिजन्य तथा पशुजन्य उत्पादन विक्री वितरण र भण्डारणको लागि आवश्यक कार्यहरु गर्ने ।
१२) आधुनिक कृषिका नवप्रवर्तित प्रविधिहरु अनुसरण गरी नमुना कृषि फर्मको रुपमा विकास गर्ने ।
१३) संस्थाद्वारा संचालित फर्मलाई कृषि श्रोतकेन्द्रको रुपमा विकास गरी कृषकहरुको क्षमता अभिबृद्धि सम्बन्धी कार्यक्रम संचालन गर्ने ।
१४) नमुना सहकारी खेतिको विकास गरि अन्य कृषकलाई पनि आर्कषण÷प्रेरणा प्रदान गरेर दोलखालाई कृषि शहरको रुपमा विकास गर्न सहयोग गर्ने ।
१५) सदस्यहरुमा बचत गर्ने बानीको विकास गर्न विभिन्न खालका बचत क्रियाकलापहरु संचालन गर्ने ।
१६) संकलित बचतलाई सदस्यहरुले संचालन गर्ने विभिन्न कृषि, पशुपालन, लघु उद्यम संचालन लगायतका आयमूलक कामको लागि प्राथमिकतापुर्वक ऋण लगानी गर्ने ।
१७) बचतको प्रभावकारी परिचालनको लागि ऋण लगानी तथा असुली उपसमिति गठन गरी अनुगमनको कार्य समेत गर्ने ।
१८) संस्थाका कार्य क्षेत्र भित्रका विद्यालय, स्वास्थ्य केन्द्र, बाटो, कुलो आदि विकासमा सक्दो योगदान पु–याउने ।
१९) कार्य क्षेत्र भित्रका सदस्यहरुलाई दैवि प्रकोप, बाढी पहिरो, भुकम्प जस्ता विपत्ती परेका बखत संस्थाको क्षमता अनुसार आर्थिक तथा अन्य सहयोग पु–याउने ।
२०) संस्था वा सदस्यले संचालन गरेका व्यवसायबाट वातावरणमा कुनै किसिमको प्रतिकूल असर नपु–याउने व्यवस्था गरी प्राकृतिक तथा जैविक विविध कायम राख्ने विषयमा सहयोग पु¥याउने ।
२१) कृषि सामग्री उत्पादन, प्रशोधन, बजार व्यवस्थापन लगायत उन्नत कृषि प्रविधिको क्षेत्रमा सदस्यहरुलाई प्राविधिक तथा व्यवस्थापकीय तालिम प्रदान गर्ने ।
२२) छरिएर रहेका स–साना श्रोत साधनको एकिकरण गरी हुने संगठित व्यवसायिक शक्ति वारेमा सदस्य र सदस्य समूदायहरुलाई जानकारी दिने ।
२३ सदस्य र संस्था वीचको अन्तर सम्वन्धलाई संस्थाले संचालन गर्ने कार्यक्रम संग आवद्ध गर्ने ।
२४) सदस्यहरुको कृषि उत्पादन, व्यवसायिकरण तथा बजार प्रवद्र्धनका लागि ऋण लगानी गर्ने ।
२५) सदस्यहरुलाई व्यवसायजन्य सूचना, प्रविधी तथा सेवा उपलव्ध गराई आय–आर्जन क्षमतामा अभिवृद्धि गर्न साना तथा घरेलु उद्योगहरुको स्थापना गरी उत्पादन, प्रशोधन, विक्री वितरणको व्यवस्था मिलाउने ।
२६) सदस्यहरुलाई व्यावसायिक क्रियाकलाप वारे जानकारी गराउने, शिक्षा दिने ।
२७) सदस्यहरुलाई व्यवसायिक लगानीका लागि उत्पे्ररित गर्ने ।
२८) कारोवारको मुनाफाबाट केही अंश छुट्याई सदश्यहरु एवं तिनका परिवारका सदश्यहरुलाई रचनात्मक कार्यमा उत्प्रेरित गर्ने खालका कार्यक्रम संचालन गर्ने ।
२९) अन्तर सहकारी क्रियाकलापद्वारा संस्थाको विकास गर्न सहकारीसँग सम्वद्ध जिल्ला विषयगत सहकारी संघ, जिल्ला सहकारी संघ, विषयगत केन्द्रीय संघहरुको सदस्यता प्राप्त गर्ने ।
No comments:
Post a Comment